護士揾澳洲僱主歷程

講真，護士要揾澳洲僱主，其實唔難，尤其現在可以網上會議平台見工。但係，要揾願意sponsor visa 186 嘅僱主，就真心唔係咁易。

小妹在港係手術室護士，在澳洲相對係需求大的，早在6月考到英文，就找了澳洲head hunter揾工。當時在TAS嘅一間agency 話會找到visa 186嘅工作，7月頭就直接見工亦成功了。當時係連APHRA 都未申請到。只係世事難料，醫院最終只願意提供visa 482，加上本來答應幫我爭取visa 186嘅agency轉咗工，接手佢工作嘅人根本唔願意跟進，前前後後，兩個月，到8月尾，最後都錯過了這份工作。

而因為呢份工作機會嘅關係，我自己諗住既然已經有offer，就無謂再找其他，所以就係咁浪費了2個月既時間。

之後，就繼續係網上揾工，send咗4，5份CV，有一間agency話可以揾到visa 186嘅工作，但不能在CBD揾到，只有Regional Victoria 。有一間perth嘅醫院，9月讓我交了video interview 就完沒有回音。另有幾間回覆只能提供visa 482。

在我嚟講，其實Regional 與否並不是重點，重點在於即時PR，因為年紀大，兩條化骨龍讀大學嘅學費如果無津貼，係好大難度的。所以就interview 了Regional Victoria嘅嗰間醫院。

interview 過程其實非常順利，當天早上interview ，下午就收到通知會請，接住就係reference check等等。但攪晒所有程序，等咗好幾星期都收唔到Contract，head hunter 都覺得有問題，幫我催，得到結果係話醫院只能offer Visa 482，要到我去上工後，45歲上限前會幫我申請visa 186。

接到這個結果簡直係晴天pig pig。有無攪錯，interview 時講明咗我最concern就係個visa type ，宜家話無？！唔通又好似TAS嗰份工咁，最後都係失望而回？

不過好彩，今次這個agency真係好好，佢極力幫我爭取，幾日後就迎來好消息，收到醫院Migration Advisor 嘅正式email話經過同醫院管理層協商，醫院管理層最終決定會給我visa 186 sponsorship 。好感動😭，這份工經歷大約一個半月有多嘅時間，終於係10月22日簽到contract 並講明係offer visa 186。接住就係等醫院入紙nomination 再到visa application。

不過唔知係澳洲人做野慢定只係我呢個醫院嘅Migration Advisor 做野慢，佢每次都要我個agency 催幾次先願意做野，簽完Contract 本來預計3至4星期就能出到嘅nomination number ，硬要催幾次，而且打電話問佢嘅時候，竟然答唔知幾時做到，但總會幫我申請......最後，係大約6個星期左右，12月2日才給到nomination number 。然後，終於我個Migration lawyer幫我係12月4日入到visa application。現在，就係漫長的等待時間了.......

小插曲：

話說因為醫院個Migration Advisor 話唔知要等幾耐，小妹實在無咩信心，又怕年齡上限前佢都攪唔掂，所以11月尾又申請了另一間Sydney 嘅醫院，這間醫院還好近CBD，而這間醫院係願意提供visa 186的，因為小妹嘅朋友就係這間醫院offer佢visa 186。所以小妹決定做個backup 。submitted 申請兩三天就邀請我interview。interview完直接問我reference check。基本上，澳洲問得reference check已經係9成請你，所以，我話澳洲護士揾工真心唔難。

不過就係我interview 前既半日，終於收到之前間醫院嘅nomination number，但既然約咗，無理由臨時唔in咁無禮貌既，所以都有interview，只係決定最終都會refuse offer。

因為和家人商量過，覺得澳洲政府做野好煩，之前間醫院已經lodged nomination，如果突然要轉其他醫院，要withdraw之前嘅application，如果中間有咩出錯，double lodge咗，可能甚至影響visa application！

所以，最終決定係維持係Regional Victoria，Sydney 嘅機會，或者過去做兩年之後，再決定會唔會轉過去！