AHPRA, ANMAC 申請過程

係21年6月21日，係經歷千辛萬苦考完個英文試之後，終於可以向前一步申請澳洲護士牌和skill assessment啦！

今次就簡單講下點申請這兩樣嘢。真係只能好簡單，因為小妹係準備文件過程中就放棄自己申請，改揾agent幫我攪。因為實在係太煩啦，頭都痛。有些錢係要比人賺嘅，尤其係我呢類時間有限又怕煩嘅人。

澳洲護士牌去AHPRA 申請，而移民要用到嘅skill assessment 就向ANMAC 申請。

如果有時間，係可以先申請咗AHPRA, 再向ANMAC 申請相對平d嘅modified skill assessment. 

但小妹時間有限，所以就同一時間向兩個機構申請，只係ANMAC 嗰邊就要申請full assessment. 相對價錢會貴一點。

上網查過資料，見好多前人都自己動手申請，所以一開始小妹都膽粗粗自己上網申請。

基本上，上網就可以係這兩個機構開戶申請而且好簡單，上去網頁睇一睇就明，這方面就唔講啦。

AHPRA 要先收一個所謂網上課程嘅錢，通過咗個課程先開始準備文件，文件準備好之後submit時要再收一次錢。

ANMAC 就開戶交錢，之後就等你upload 完所需文件佢審批完就會出email比你。佢嘅審批時間比AHPRA 快好多。

Timelines 如下：

6月22日 AHPRA and ANMAC 網上開戶

6月24日 向大學申請syllabus, practice hours等資料

6月25日 去灣仔護士局申請verification qualification and good conduct

6月25日 向醫院申請employment letter (這個其實可有                   可無，不過我覺得交埋無死）

去到呢度我都仲係自己攪緊，而呢d程序其實agent都幫唔到，但接住落嚟準備文件就開始頭痛了。

首先，怕自己準備得唔好有缺失影響結果，因為時間有限，如果因為交漏文件重新申請就應該過45歲死線了。

另外一樣就係揾人certify true copy 。上網揾過好多地方，什麼太平紳士等等，都唔知點約。當然可以去公正行，咁嘅話都係要收錢。而澳洲領事館上網查過，好似唔再做呢個服務，就算有都$400一張紙。

所以，最後決定揾agent。

揾agent 有好多好處。首先有check list比我對照準備文件，有唔明佢哋會提我。好似收入證明咁，最好有10年，而且係兩種證明，例如醫院出嘅稅單+payslip，或者上稅局申請6年嘅收入證明等等。

另外，professional reference 有人幫忙檢查下內容，佢哋都提供一些前人嘅template ，可以用作參考，但千萬不能抄。內容無問題先比上司簽名。

最後，佢哋會有JP幫我做埋certify true copy 。

7月13日 收到大學email文件，大學亦同時email及郵寄去                 澳洲

7月19日 文件準備好晒，agent幫我submit上AHPRA                       和 ANMAC portal 。

7月21日 收到ANMAC email 話開始審批及提醒未收到護                 士局文件（即時打去護士局追蹤申請，回覆還在                   審批中，話如果我好趕，一申請好可以先幫我                      email再郵寄）

7月26日 收到護士局email確認審批完畢並已email去機構

8月3日   ANMAC 完成審批

8月23日 AHPRA 完成審批出咗approval in principle                 ，需要指定時間present in person 。

由於疫情關係，所以呢個時候就要等working visa出到，再去當地顧主度做present in person 嘅呢個程度。

咁當然寫呢篇嘅時候，小妹還在等visa出。

下次就開始講我揾工嘅辛酸史啦～