僱主擔保 visa 186

相信會睇這個blog嘅朋友仔，應該大部份係香港護士朋友。呢個blog嘅創造，主要係想分享下小妹係攪移民路上嘅心路歷程，目的係為咗舒發下，因為好想同人分享，但又唔想自己嘅上司知道小妹攪移民嘅進展（始終寧被人知就莫被人見嘛）！

先戴頭盔，小妹係未正式申請到澳洲移民㗎，只係努力中，小妹已經係一名中女，所以每個階段都不容易，想給自己一個地方發洩下。

講多少少，小妹宜家嘅打算並非申請技術移民189/190/491，而係顧主簽證186。是的，你沒有睇錯，係顧主簽證186。原因好簡單，都話得自己係中女，年紀梗係唔細啦，過咗40，係技術移民路上分數就跟唔上啦～所以技術移民根本無得諗。而小妹有兩條化骨龍，一條已經係澳洲讀緊大學，另一條就將會想係澳洲讀大學，如果用臨簽嘅491，佢哋嘅學費係照收international fee，過到澳洲，人工大打折扣，仲要交幾十萬學費，點生活，食西北風咩！所以491都同樣out!

所以，最終決定係45歲呢個年齡上限前博一博，睇下可唔可以揾到工，給我顧主簽證186（Direct Entry ），咁嘅話就直接PR，仔女學費都可以平好多，起碼勉強負擔得起澳洲嘅生活啦…

今日講住咁多先，之後我會講下由我和家人決心攪移民到英文考試，再到AHPRA and ANMAC 申請過程，還有揾工過程。希望除咗自己舒發之餘，都可以幫到下和小妹情況差唔多嘅朋友仔，讓大家能更清楚整體情況……

留言

張貼留言

這個網誌中的熱門文章

AHPRA, ANMAC 申請過程

係21年6月21日，係經歷千辛萬苦考完個英文試之後，終於可以向前一步申請澳洲護士牌和skill assessment啦！ 今次就簡單講下點申請這兩樣嘢。真係只能好簡單，因為小妹係準備文件過程中就放棄自己申請，改揾agent幫我攪。因為實在係太煩啦，頭都痛。有些錢係要比人賺嘅，尤其係我呢類時間有限又怕煩嘅人。 澳洲護士牌去AHPRA 申請，而移民要用到嘅skill assessment 就向ANMAC 申請。 如果有時間，係可以先申請咗AHPRA, 再向ANMAC 申請相對平d嘅modified skill assessment.  但小妹時間有限，所以就同一時間向兩個機構申請，只係ANMAC 嗰邊就要申請full assessment. 相對價錢會貴一點。 上網查過資料，見好多前人都自己動手申請，所以一開始小妹都膽粗粗自己上網申請。 基本上，上網就可以係這兩個機構開戶申請而且好簡單，上去網頁睇一睇就明，這方面就唔講啦。 AHPRA 要先收一個所謂網上課程嘅錢，通過咗個課程先開始準備文件，文件準備好之後submit時要再收一次錢。 ANMAC 就開戶交錢，之後就等你upload 完所需文件佢審批完就會出email比你。佢嘅審批時間比AHPRA 快好多。 Timelines 如下： 6月22日 AHPRA and ANMAC 網上開戶 6月24日 向大學申請syllabus, practice hours等資料 6月25日 去灣仔護士局申請verification qualification and good conduct 6月25日 向醫院申請employment letter (這個其實可有                   可無，不過我覺得交埋無死） 去到呢度我都仲係自己攪緊，而呢d程序其實agent都幫唔到，但接住落嚟準備文件就開始頭痛了。 首先，怕自己準備得唔好有缺失影響結果，因為時間有限，如果因為交漏文件重新申請就應該過45歲死線了。 另外一樣就係揾人certify true copy 。上網揾過好多地方，什麼太平紳士等等，都唔知點約。當然可以去公正行，咁嘅話都係要收錢。而澳洲領事館上網查過，好似唔再做呢個服務，就算有都$400一張紙。 所以，最後...
閱讀完整內容

Ielts,OET or PTE?澳洲護士牌辛酸之考英文

 無錯，想移民澳洲，第一步就係～～考英文😖🔤。 之前上網睇其他人嘅blog，絕大部分都覺得整個移民過程最難嘅部分就係考英文。 嗯！咁聽落，一定覺得考到英文之後，所有嘢都會好容易，其實唔係囉！我真心講一句，考英文的確係好難，但係之後嘅文件準備等等，其實都唔易，所以小妹係度比個心理準備大家，唔好以為考完英文就萬事俱備，這只係過了最難嘅一關，之後還有好多關。而且，如果好似小妹咁，就快到年齡上限，你哋記得預留一定時間係AHPRA and ANMAC 嘅申請度，因為要好幾個月㗎……宜家小妹嘅進度，就係kick住咗係AHPRA，ANMAC 早兩日就收到通知啦！ 言歸正傳，小妹其實早5至6年前就有考慮移民，只係當時香港環境，收入等等，和家人商量都係覺得留係香港好d。直到2019年尾，大化骨龍去澳洲讀書，香港嘅變化等等，又將呢個移民念頭帶番出嚟。這次家人都覺得移民值得考慮，但又唔係必要，所以決定先學好英文，年齡上限前，考到就攪，考唔到就算。所以當時沒有報ielts 考試班，反而覺得先提升英文好d就報了大型連鎖英文center嘅1年英文課程。又因為Covid-19 停課3個月，所以20年11月先讀完，而2020年這一年因著疫情和香港環境嘅關係，家人移民決心大增，小妹嘅壓力就大大提升了，不成功便成仁嗰種。然而，讀完一年英文，感覺離考試真心有點距離，而且亦唔知考試技巧，所以係20年11月尾就報咗一間小型ielts考試保證班，考唔到退錢嗰種。 所以，認認真真開始為ielts準備可以話係20年11月尾開始。而係21年1月，因為小妹有大假，又想試下自己水平，就係21年1月中報咗1次ielts，可惜我嘅分數只有5.5,6,6,6.5…當中listening 最差得5.5,而speaking 就6.5。離目標全7分嘅距離真係……無眼睇😵。不過考完呢次都有收獲嘅，就係覺得自己唔適合考ielts，因為自己串字真心差，想要listening 短時間由5.5去到7絕對做唔到，所以係認真了解過後，決定轉戰OET。 OET講真其實真係適合護士考，佢listening 比ielts絕對容易好多，因為可以講話平時都聽過下，但可惜香港無咩人教，所以就係網上平台揾了老師，上了5堂，給了自己2個月左右時間練習，4月10日考咗1次OET，只可惜今次係C+,B,B,C+，當日考完就知道listening和sp...
閱讀完整內容

Visa 186 未夠2年由小鎮轉到大城市

 大家好呀～ 好耐無更新過個blog la,，嚟咗澳洲差唔多3年啦，係時候更新一下自己近況了😅😅 話說，小妹係2023年11月時已經離開了澳洲小鎮Shepparton，大鄉里出城，搬咗去Melbourne lu～ 不過大家會唔會有d奇怪，小妹明明係用working visa 186嚟澳洲，2022年7月先開始返工，點解做唔夠2年就可以走，會唔會比Home Affairs 發現收番個PR㗎🤔 大家唔駛估估下啦，小妹係一個好有信譽，做事亦都唔會比人( Home Affairs )抽後算帳到嘅人嚟，一切都無問，合理合法🤪 你哋一定係度鬧緊我講廢話，想叫我快d入正題呢～ 其實，真相只有1個☝🏻，就係小妹無換到僱主，就係咁簡單🤣🤣係度都要嚴重聲明，唔好學前人咁，攪咗個Visa186嚟到澳洲，做唔夠2年就拍拍屁股走人換工，雖然，Home Affairs 好少會攪你，但其實理論上佢真係可以收番個Visa㗎，而且做人講信用，人哋出錢nomination 你個visa，諗住可以有個穩定嘅員工，你幾個月就走，咁對之後再申請嘅同行係好唔公平㗎，小妹我就係其中一個受害者啦，因為前人好多唔講信用，到我申請嘅時候，得番d小鎮嘅醫院肯nomination visa 186，大城市嘅醫院已經唔肯sponsor🥲  好，講番轉頭，點解我無轉僱主，但又唔駛係同一間醫院做滿2年🤭因為小妹認真睇番張contract，我個僱主並唔係間偏遠醫院，而且擁有間醫院嘅集團，然後，我係由CNS升職到Clinical Facilitator ，所以本來間醫院亦都唔可以keep我，如果係同一職位轉去其他醫院，本身間醫院係有權keep 住個員工一段時間先放人🙄 到咗今時今日，由小鎮出城已經有1年半咁上下，宜家小妹已經過晒Home Affairs 嘅規定2年時間，隨時想走就走🏃🏻‍♀️唔駛有任何顧慮，爽🍺 最後，更新一下我吧工作歷程，上文提到，係2023年11月小妹升咗職，轉咗出Melbourne 嘅醫院做Clinical Facilitator, 然後3個月左右，係2024年2月嘅時候，小妹再升1級，做咗正式嘅Nurse educator直到宜家。 真心，我唔係多有上進心嘅人，但呢邊人工又的確少過香港，不過既然有機會，就伸手接住吧～係澳洲做護士，其實肯做，要升真心唔難🤑所以大家...
閱讀完整內容