香港護士揾僱主擔保移民澳洲

 話說，小妹已經過咗嚟，返咗兩個月工啦😊🎉🎊～ 如果大家仲記得，小妹係去咗澳洲Regional 醫院嘅手術室返工。由於護士人手短缺嘅問題，尤其澳洲Regional，呢邊真係嚴重人手不足，雖然未去到香港政府醫院忙到嘅發癲嘅程度，但其實都無想象中咁悠閒㗎😅 小妹嘅呢間醫院係私家醫院，福利無政府咁好，但都無計啦，因為佢肯比visa 186，所以我已經好滿足啦，唔駛攪多次visa都賺番啦！而呢間醫院除咗腦科和心臟，血管手術，其他都有，而呢邊醫院嘅手術室都有分sub specialities ，最主要分Scurb/Scout，PACU，Anesthetic 呢3大類，另外還有分外科骨科眼科ENT等手術工作，小妹有d同事只會負責一種工作，而有小部分同事，例如小妹自己，因為小妹都有齊以上嘅經驗，當然有分熟悉程度，所以係大前提下，小妹多數負責骨科嘅Scrub/Scout 嘅工作，但當其他地方唔夠人，小妹都係要負責頂替的！只可以話，天將降大任於斯人也，必先勞其筋骨🤪 最後，小妹係返咗唔夠一個月工嘅情況下，經理已經叫我申請Clinical nurse specialist (CNS) Orthopedic ，可以講話升咗一個職位，多一個point人工咁啦！只可以話呢邊真係好唔夠人啦，咁啱本來嘅CNS退休幾個月都無合適嘅人選，所以機會先會輪到我啦～🤩當然，有人工加嘅事，我一定會做嘅，所以我入職後第一件事就係向我經理申請Master degree allowance ，因為係要佢approved 我先可以攞到呢個allowance 㗎！好彩佢都approved 咗🤑🤑💰💰 題外話講住咁多，講番日常工作，無論係手術過程，麻醉方法等等，其實同香港手術室無太大分別，最大分別應該真係英文溝通問題，另外有時同樣嘅手術儀器有機會叫法唔同。 這邊有theater tech幫手駁機，幫手過床，清潔等等，但護士都要自己幫手抹床清潔環境！基本手術與手術中間嘅時間只得5至10分鐘左右，清潔工作都係邊個得閒邊個做，清潔好就準備下一個手術嘅野。完晒全日手術就會有清潔姐姐入嚟大清潔個手術室。 至於工作時間，小妹宜家2星期返76小時，唔同香港，呢邊工作時數係唔包食飯，食飯係用自己時間，因為手術室係10hrs shift schedule ，所以如計埋食飯半小時在內，小妹兩星期中有7日係返10...

由於寄澳洲只能用M3 size box，唔夠大裝結婚相和其他一些大少少嘅物件😑又無理由無端端分開少少野shipping 🚢 ，其他寄郵局㗎......和老公商量完，雖然去到澳洲未必一下子就落實居住地，但點都要係嗰間醫院做兩年，咁點都要住2年啦！所以決定所有野一次過ship🚢晒過去！！！ 就係咁，由4月中開始，就開始了我漫長而又痛苦嘅移民準備之路---執屋🧸🎽 講真，一間住咗10幾年嘅屋，仲要有兩條化骨龍，真係好多野執，那些要斷捨離，那些該帶過去澳洲，是shipping化算還是去到澳洲買新的比較抵，真係要衡量得好清楚，如果唔係，到時花多了錢，肉都痛。 四圍格價後，終於揾到一間2萬多，minimum charge 150cuft嘅移民搬運公司，執野嘅過程就唔講啦～小妹唔帶傢俬，只有少部份細家電，最主要係ship衫，有紀念價值嘅物品，或唔捨得掉嘅書，一些廚房用品，仔女嘅私人物品書籍玩具樂器等等。最後10個大箱14個中箱和9個細箱，另加兩幅結婚掛相 和一個小提琴。沒有超過150cuft，但係咪善用了全部位置就不得而知了，只係盡pack。當然我也好狠心咁掉了差不多幾百張cd，送了一堆正版dvd細朋友，賣了500本漫畫，也捐了很多很多小說等等嘅物品出去。唔係因為執屋都唔發現，原來我家竟然大大小小收藏了千幾2千本書，真係好恐怖，最恐怖係我家其實不大，但d書收在櫃裡，床底等等嘅地方，真係可以收藏到好多而自己係唔會發覺😥😣😖 收拾嘅過程中，因為工人姐姐剛好完約走了，那張雙層床架打算捐出去，捐出去之前覺得張床褥都好舊有臭味，所以就攞去掉了再抹一抹再捐，點知，清張床褥嘅時候就發現曱甴蛋，忍住嘔心嘅感覺攞去樓下垃圾站掉了回家抹佢張床之際，發現原佢張床已經成了曱甴屋，曱甴🪳多得超誇張，勁恐怖，攪到我panic attack 係咁喊，噴咗成支殺蟲水，都唔敢掂張床，最後老公放工返嚟，全套PPE咁拆床，確定無曱甴再由我一件一件Parts咁上落好多轉掉去大垃圾站。當晚走了張床，搭lift嘅時候仲發現與一隻活嘅曱甴同在，最後將佢都一齊掉到大垃圾站。這個經歷一世難忘😭 總結，執屋過程超痛苦，我相信將來d野shipping 🚢 到嚟，拆箱收拾會同樣痛苦😵‍💫

 經歷了一年九個月考英文，再加9個月申請AHPRA, ANMAC, 揾工，見工，醫院申請nomination，apply visa. 由2019年9月到2022年3月22日，2年半嘅時間，小妹好開心又興奮咁話比大家知，我終於出到visa啦🎊🎉🥳 其實從submit到visa granted 總共3個半月左右，話耐唔耐，但中間過程真係好痛苦。等待真係好折磨人，尤其中間Home Affairs 嗰邊一直話收唔到police check ，但警署嗰邊又確實寄了，拖了又拖，出咗兩次s56要求補交police check. 最終要做埋certified ture copy寄去香港澳洲領事館代交DHA。然後發現，原來好多人都有我嘅情況發生，澳洲嗰邊經常收唔到郵件，佢哋本身接受網上upload，但香港警方就只會用郵寄，最終好多人都要好似我咁，3個月後申請ture copy寄香港澳洲領事館。 而最不可思議嘅係，明明小妹和老公外加化骨龍嘅police check係同一份咁寄去澳洲，但最終竟然只有化骨龍嗰份收到，小妹和老公嗰份收唔到😑😑😑 小妹另一個朋友就有同一樣情況，比police check阻住咗，到寄咗去香港澳洲領事館後，就visa granted 啦！本來仲以佢嘅時間預估自己visa granted 嘅時間有機會係4月頭，但最終竟然比預期早了兩星期出到visa😆😆，收到嘅嗰一刻小妹on night中，早上5點55分收到Migration Lawyer通知，開心到拍手叫好，同事都嚇親🤣🤣 嚟緊就要做離開前嘅準備，清稅清MPF，申請國際車牌等等。不過因為老公和小化骨龍會留香港到DSE完結，出成績攪澳洲大學嘅嘢，佢哋會遲d先走，所以暫時可以不用pack箱搬屋，可以等小妹去到澳洲settle 好再攪搬家事宜，應該會比較方便。 另外，visa granted 後，第一時間通知澳洲僱主，商量好commencement date ，咁預算時間都比較容易好多。

講真，護士要揾澳洲僱主，其實唔難，尤其現在可以網上會議平台見工。但係，要揾願意sponsor visa 186 嘅僱主，就真心唔係咁易。 小妹在港係手術室護士，在澳洲相對係需求大的，早在6月考到英文，就找了澳洲head hunter揾工。當時在TAS嘅一間agency 話會找到visa 186嘅工作，7月頭就直接見工亦成功了。當時係連APHRA 都未申請到。只係世事難料，醫院最終只願意提供visa 482，加上本來答應幫我爭取visa 186嘅agency轉咗工，接手佢工作嘅人根本唔願意跟進，前前後後，兩個月，到8月尾，最後都錯過了這份工作。 而因為呢份工作機會嘅關係，我自己諗住既然已經有offer，就無謂再找其他，所以就係咁浪費了2個月既時間。 之後，就繼續係網上揾工，send咗4，5份CV，有一間agency話可以揾到visa 186嘅工作，但不能在CBD揾到，只有Regional Victoria 。有一間perth嘅醫院，9月讓我交了video interview 就完沒有回音。另有幾間回覆只能提供visa 482。 在我嚟講，其實Regional 與否並不是重點，重點在於即時PR，因為年紀大，兩條化骨龍讀大學嘅學費如果無津貼，係好大難度的。所以就interview 了Regional Victoria嘅嗰間醫院。 interview 過程其實非常順利，當天早上interview ，下午就收到通知會請，接住就係reference check等等。但攪晒所有程序，等咗好幾星期都收唔到Contract，head hunter 都覺得有問題，幫我催，得到結果係話醫院只能offer Visa 482，要到我去上工後，45歲上限前會幫我申請visa 186。 接到這個結果簡直係晴天pig pig。有無攪錯，interview 時講明咗我最concern就係個visa type ，宜家話無？！唔通又好似TAS嗰份工咁，最後都係失望而回？ 不過好彩，今次這個agency真係好好，佢極力幫我爭取，幾日後就迎來好消息，收到醫院Migration Advisor 嘅正式email話經過同醫院管理層協商，醫院管理層最終決定會給我visa 186 sponsorship 。好感動😭，這份工經歷大約一個半月有多嘅時間，終於係10月22日簽到contract 並講明係offer vi...

係21年6月21日，係經歷千辛萬苦考完個英文試之後，終於可以向前一步申請澳洲護士牌和skill assessment啦！ 今次就簡單講下點申請這兩樣嘢。真係只能好簡單，因為小妹係準備文件過程中就放棄自己申請，改揾agent幫我攪。因為實在係太煩啦，頭都痛。有些錢係要比人賺嘅，尤其係我呢類時間有限又怕煩嘅人。 澳洲護士牌去AHPRA 申請，而移民要用到嘅skill assessment 就向ANMAC 申請。 如果有時間，係可以先申請咗AHPRA, 再向ANMAC 申請相對平d嘅modified skill assessment.  但小妹時間有限，所以就同一時間向兩個機構申請，只係ANMAC 嗰邊就要申請full assessment. 相對價錢會貴一點。 上網查過資料，見好多前人都自己動手申請，所以一開始小妹都膽粗粗自己上網申請。 基本上，上網就可以係這兩個機構開戶申請而且好簡單，上去網頁睇一睇就明，這方面就唔講啦。 AHPRA 要先收一個所謂網上課程嘅錢，通過咗個課程先開始準備文件，文件準備好之後submit時要再收一次錢。 ANMAC 就開戶交錢，之後就等你upload 完所需文件佢審批完就會出email比你。佢嘅審批時間比AHPRA 快好多。 Timelines 如下： 6月22日 AHPRA and ANMAC 網上開戶 6月24日 向大學申請syllabus, practice hours等資料 6月25日 去灣仔護士局申請verification qualification and good conduct 6月25日 向醫院申請employment letter (這個其實可有                   可無，不過我覺得交埋無死） 去到呢度我都仲係自己攪緊，而呢d程序其實agent都幫唔到，但接住落嚟準備文件就開始頭痛了。 首先，怕自己準備得唔好有缺失影響結果，因為時間有限，如果因為交漏文件重新申請就應該過45歲死線了。 另外一樣就係揾人certify true copy 。上網揾過好多地方，什麼太平紳士等等，都唔知點約。當然可以去公正行，咁嘅話都係要收錢。而澳洲領事館上網查過，好似唔再做呢個服務，就算有都$400一張紙。 所以，最後...

 無錯，想移民澳洲，第一步就係～～考英文😖🔤。 之前上網睇其他人嘅blog，絕大部分都覺得整個移民過程最難嘅部分就係考英文。 嗯！咁聽落，一定覺得考到英文之後，所有嘢都會好容易，其實唔係囉！我真心講一句，考英文的確係好難，但係之後嘅文件準備等等，其實都唔易，所以小妹係度比個心理準備大家，唔好以為考完英文就萬事俱備，這只係過了最難嘅一關，之後還有好多關。而且，如果好似小妹咁，就快到年齡上限，你哋記得預留一定時間係AHPRA and ANMAC 嘅申請度，因為要好幾個月㗎……宜家小妹嘅進度，就係kick住咗係AHPRA，ANMAC 早兩日就收到通知啦！ 言歸正傳，小妹其實早5至6年前就有考慮移民，只係當時香港環境，收入等等，和家人商量都係覺得留係香港好d。直到2019年尾，大化骨龍去澳洲讀書，香港嘅變化等等，又將呢個移民念頭帶番出嚟。這次家人都覺得移民值得考慮，但又唔係必要，所以決定先學好英文，年齡上限前，考到就攪，考唔到就算。所以當時沒有報ielts 考試班，反而覺得先提升英文好d就報了大型連鎖英文center嘅1年英文課程。又因為Covid-19 停課3個月，所以20年11月先讀完，而2020年這一年因著疫情和香港環境嘅關係，家人移民決心大增，小妹嘅壓力就大大提升了，不成功便成仁嗰種。然而，讀完一年英文，感覺離考試真心有點距離，而且亦唔知考試技巧，所以係20年11月尾就報咗一間小型ielts考試保證班，考唔到退錢嗰種。 所以，認認真真開始為ielts準備可以話係20年11月尾開始。而係21年1月，因為小妹有大假，又想試下自己水平，就係21年1月中報咗1次ielts，可惜我嘅分數只有5.5,6,6,6.5…當中listening 最差得5.5,而speaking 就6.5。離目標全7分嘅距離真係……無眼睇😵。不過考完呢次都有收獲嘅，就係覺得自己唔適合考ielts，因為自己串字真心差，想要listening 短時間由5.5去到7絕對做唔到，所以係認真了解過後，決定轉戰OET。 OET講真其實真係適合護士考，佢listening 比ielts絕對容易好多，因為可以講話平時都聽過下，但可惜香港無咩人教，所以就係網上平台揾了老師，上了5堂，給了自己2個月左右時間練習，4月10日考咗1次OET，只可惜今次係C+,B,B,C+，當日考完就知道listening和sp...